Mislæg gatnamót !

Það virðist sem svo þegar mislæg gatnamót eru gerð að það þurfi alltaf hanna nýja og nýja gerð.  Það er til dæmis eins og þau sem eru á Reykjanesbrautin við Mjódd annars vegar og hins vegar við Staldrið.  Þau eru gjörólík, en þar hlýtur að hafa verið hægt að hafa mislæg gatnamót eins og eru við Reykjanesbraut/Sæbraut  og Miklubraut ( í Ártúnsbrekku).  Þau mislægu gatnamót eru frekar gömul hönnum, og þau virka mjög vel.  Þar eru enginn ljós né hringtorg, við ljós og hringtorg myndast alltaf raðir á annatímum, þær raðir eru dýrar þjóðfélaginu og einnig verður aukinn mengun frá bílum sem eru stopp og það verða mun fleiri umferðaróhöpp á slíkum gatnamótum.  Þegar ný mislæg gatnamót hafa verið tekinn í notkun þá hefur mér þótt mega vera betri kynning á því hvernig á að aka þau.  Til dæmis með auglýsingu sem væri sýnd í sjónvarpi fyrir og eftir fréttir.  Þetta kostar, en það mætti setja þetta í útboðið, það er gerð á  kynningar myndbandi og ákveðin fjölda birtinga í sjónvarpi í vikunni fyrir opnu gatnamótana og eftir opnun.  Vegagerðin hefur birt í Framkvæmdafréttum á þessu ári myndir af nokkrum mislægum gatnamótum sem eru í framkvæmd eða eru að fara í framkvæmd.  Það er ekki annað að sjá en að þessi gatnamót verða öll með sýnu kerfi, enginn eins.   Í Framkvæmdafréttum 1.tbl.08 þar eru myndar af tveimur útfærslum á mislægum gatnamótum við Reykjanesbraut og Bústaðarvegar ( sagt þar Breiðholtsbrautar og Bústaðarvegar). Þetta eru fínar tillögur en það er einn stór ókostur, þar sem ekki verður hægt að aka af Bústaðarvegi og í norður eftir Reykjanesbraut (í átt að Sæbraut), en til að fara í þessa átt þá þarf að fara upp á mislægu gatnamótin við Staldrið og fara þar inná Reykjanesbraut til norðurs.  Þá er farið um eitthringtorg og ein ljós sem orsaka meiri mengun og meiri tíma.  Þarna er reyndar erfitt að koma fyrir mislægum gatnamótum einsog eru á Reykjanesbraut/Sæbraut og Miklubraut (í Ártúnsbrekku).  Það þyrfti eflaust að kaupa upp fáar húseignir, en það er ekki víst  að það sé vilji hjá Borg og Vegagerðinni að gera það, en Borgin getur keypt bárujárnskofa við Laugaveginn til að vernda og virðist vera bara í vandræðum með það.  Á síðustu árum hefur verið byggðar nokkrar göngubrýr, en það er skrýtið að það er alltaf ný hönnun í hvert skipti með öllum þeim kostanaði sem fylgir því.  Það hlýtur að vera hægt að fá hönnun á einni ríkisgöngubrú sem er síðan aðlöguð að hverjum stað fyrir sig.  Sem hefði minn tilkostnað í för með sér, einnig væri þá hægt að velja útfærslu sem er ekki of kostnaðarsöm í smíðum, en sumar af þessum sem hafa verið reistar hafa kostað sitt útaf útliti (arkitektúr).  Hér að neðan fylgir linkur á Framkvæmdafréttir 1.tbl.08

 

Kveðja, S.Ben

http://vgwww.vegagerdin.is/vefur2.nsf/Files/fr486-01-2008/$file/fr486-01-2008.pdf

Almenningssamgöngur á höfuðborgarsvæðinu !

Almenningssamgöngur á höfuðborgarsvæðinu eru þannig að ég vel frekar einkabílinn, þótt eldsneytisverðið sé mjög hátt.  Almenningssamgöngur þurfa að vera frekar örar og hraðvirkar til að ég myndi nota kerfið.

Nú er komið í ljós að við það að gefa framhaldsskólanemum frítt í strætó þá hefur farþegum í strætó fjölgað um einamiljónfarþega miða við ár.  Þetta er eina rétta það á að vera frítt í strætó fyrir alla.  Þar sem við höfuðborgarbúar höfum ekki alist upp við frían strætó og misgóð leiðar kerfi.  Þá ætti að gefa frítt í strætó í lámark fimmtánár, til að venja okkur við að nota þá.  Þar sem það er hagkvæmt fyrir þjóðfélagið í held sinni að fólk noti almenningssamgöngutæki frekar en einkafaratæki.  Það mundi hægja á uppbyggingu umferðamannvirkja, bílastæðahúsa og sjálfsögðu miklu minni mengun.  Við aukna notkun þá kæmi þéttara leiðakerfi og örara.  Skiptistöðvar þurfa að vera þannig að allir vagnar komi inná þær ekki að það þurfi að ganga 150 til 600 metra eða svo.  Lóðin sem strætó var með bækistöðvar sínar á (verkstæði og fl.), átti ekki að selja heldur að gera stóra skiptistöð, þarna er opið inná helstu umferðaæðar Höfuðborgarsvæðisins, Kringlumýrarbraut og Sæbraut.  Og svo hefði verið hægt að hafa örar ferðir þaðan til helstu atvinnu- (verslunar-) og skóla svæða.  Einnig þarf að tengja almenningssamgöngur frá landsbyggðinni við stóra skiptistöð strætó. 

Ef það væri frítt í strætó, þá veit ég það að ég átti mun meiri tíma fyrir mig og þau verkefni sem ég hef áhuga á.  Þar sem ég mundi ekki skutla börnunum í tómstundir sínar og sækja þau,  eins þegar þau eru í verslunarmiðstöðvum og eru ekki með pening í strætó, þá verður að sækja þau.  Almenningssamgöngur eiga ekki að bera sig fjárhagslega, það er hagkvæmt fyrir alla að sem flestir noti strætó, það er líka fyrir sveitafélögin sem reka strætó.  Verður minni kostnaður við gatnagerð og fleira þess háttar.  Akureyrarbær á hrós skilið fyrir að vera með frítt í strætó.

 Kveðja, S.Ben